Sakapua Sirih (Puisi Rantauan Rang Saniangbaka) dari dusanak Mincangkabau

SAKAPUA SIRIH

Lah ratak sandi Rumah gadang
Lah condoang tonggak nan salapan
Dek Ulah angin nan sadarok
Beriak taluk nan tanang
Mamacah lalu katapian

         Salah dek kaki ambo juo
         Aka basauk alah baputuih
         Rumpuik lesoh baluka tarang
         Kayu anaknyo alah rabah pulo
         Tapi ciek nan marusuah nan ambo gamangkan

Kok tagaga urek batang anau
Tasentak lalu kapucuakNyo
Gadan mamak juo nan katakirai
Tuah mamak nan katalintehi
Martabat mamak kok tagisia
Rila jok maaf ambo pinta

      Sangkano siang indak baliekkan
      Malam, indak badangkan
      Anyuik nan indak tasalami

Luluih kok indak tasalami
Kaba alah nasb kusia bendi
Dek kusia buto kudopun buto
Roda nan duo baliang pulo
harapan ka londang kadalam jurang
   
     Guno jok apo ka ambo baleh
     Ka Tuhan ambo Mohonkan
     Manambah amalan kok isuak lai batarimo

Kapado mamak dek badan ambo
Mamak kanduang balahan diri
Rasuak pambimbiang rumah gadang
Palito Gendang diruang tangah

  Tinggi ambo ko mambao ruek Mak
  Gapuk ambo mambao lamak
  Lagak dek baju urang basalang
  Paham mamak tantang itu

Jikok talendo mamak sadang naik
Jiko tagisia mamak sandang turun
Rila ambo tantang iko
Ka Tuhan ambo minta Ampun

            Adopun diri ambo kobak rabuang sadang tumbuh
            Rantak mambosek dari tanah
            Maraso gumpam alah gadang dari batuang
            Miang lah labniah gata dari pada urang
            Lupo ka urek nan alah supak

Ambo bangga kapado mamak nan alah bersifat
Batuang panjang
Walau tinggi malampaui awan
Taguh jok tareh basimbilu
Tapi takulai tunduk ka bumi
Mayilau rabuang nan kagadang
Maaf ambo tanatang iko.

By : Arju Sutan Sati